გუგლ დედამიწა - Google Earth

გუგლ დედამიწა არის ელექტრონული, ვირტუალური გლობუსი , რომელიც შექმნილია სატელიტური და აერო ფოტო გადაღებების და რელიეფის სამგანზომილებიანი მოდელის გაერთიანების შედეგად. პროგრამას აქვს ყველა საშუალება დედამიწის ზადაპირის ზოგადი ანალიზის ჩასატარებლად. ნავიგაციის, გეოგრაფიული ადგილების ძიების, სხვადასხვა გეოგრაფიული ფენის დამატების, მანძილების გაზომვის ფუნქციებთან ერთად, მას გააჩნია საკუთარი პროექტის შედგენის (გეოგრაფიული ობიექტების დატანა, შენახვა, გამოქვეყნება), გამოსახულების შენახვის, ბეჭდვის და სხვა შესაძლებლობები.

გუგლ დედამიწის გამოყენება სასწავლო პროცესში, ვფიქრობთ, მნიშვნელოვნად შეუწყობს ხელს მოსწავლეებში სივრცით-დროითი ორიენტაციის უნარის განვითარებას.

იხილეთ პროგრამის გამოყენების ინსტრუქცია, აგრეთვე, პროგრამის ინსტალაციის ინსტრუქცია.

სასწავლო რესურსების საცავი ინტერნეტში

შესაძლოა მასწავლებლები უკვე იცნობენ ლემილს (LeMill - Learning Mill -სასწავლო წისქვილი), ღია და უფასო სასწალო რესურსების საცავს ინტერნეტში. ამ პროექტის სამიზნე ჯგუფია მასწავლებლები და სასწავლო მასალების სხვა ავტორები, თუმცა ნებისმიერ დაინტერესებულ პირს შეუძლია მისი გამოყენება. ორიგინალური ვერსია გაშვებულია მისამართზე lemill.net, სადაც დღემდე შეიქმნა არაერთი ქართულენოვანი რესურსი.
სულ ახლახანს ფონდ "ირმის ნახტომის" ინიციატივით სრულად ითაგმნა და ქართულ სერვერზე განთავსდა ლემილი. მისი ახალი მისამართია ge.lemill.net. აქ მასწავლებლებს შეუძლიათ განათავსონ არა მარტო თავიანთი სასწავლო რესურსები და საგაკვეთილო გეგმები ინდივიდუალურად, არამედ მონაწილეობა მიიღონ ჯგუფურ მუშაობაშიც.
ვფიქრობთ, ლემილი დაგეხმარებათ სასწავლო პროცესის და პროფესიული თანამშრომლობის უკეთ კოორდინაციაში.
ლემილში დარეგისტრირებისა და ახალი მასალების განთავსებისთვის იხილეთ მცირე გზამკვლევი.

მოგესალმებით!

ფონდი ”ირმის ნახტომი” ქმნის მასწავლებელთა პროფესიულ ქსელებს საგნიბრივი ჯგუფების მიხედვით. ეს ბლოგი შექმნილია საზოგადოებრივ მეცნიერებათა საგნობრივი ჯგუფის მასწავლებლებისთვის, რომლებიც დაინტერესებულნი არიან ინფორმაციულ-საკომუნიკაციო ტექნოლოგიების (ICT) სასწავლო პროცესში ინტეგრირებით. ქსელის მიზანია, რაც შეიძლება, მეტი მასწავლებლის გააერთიანებით, დააკავშიროს ისინი ერთმანეთს გამოცდილების გაზიარების, თანამშრობლობის გააქტიურების მიზნით; კოორდინაცია გაუწიოს და ხელი შეუწყოს ახალ ინიციატივებს, სასწავლო რესურსების, მეთოდების, საავტორო ხელსაწყოების შექმნას.
აქ შეგიძლიათ გამოხატოთ თქვენი დაინტერესება.